ايه هو الExcluded by Noindex Tag?
مشكلة بتظهر فى كونسل وبتوضحلك إن بعض الصفحات في موقعك مش بتظهر في نتائج البحث ، والسبب إنها معمول ليها noindex
دى تاج بتحطها في الكود بتاع الصفحة، وبتقول لجوجل: “يا جوجل متظهرش الصفحه دي في نتائج البحث بتاعتك”.
يعني بتكون الصفحة موجودة في الموقع، لكنها مش بتظهر لما حد يدور على حاجة متعلقة بيها في جوجل.
إزاي بيتعمل noindex؟
بيتم إضافة سطر في الكود بتاع الصفحة، زي:
html
<meta name=”robots” content=”noindex”>
أو ممكن تضيف:
html
<meta name=”googlebot” content=”noindex”>
الكود ده بيخلي جوجل يفهم إن الصفحة دي مش هتظهر في نتائج البحث.
ليه تستخدم الـ noindex؟
– صفحات خاصة زي صفحة “اتصل بنا” أو “شروط الاستخدام”، اللي مش محتاجين يظهروا في نتائج البحث.
– صفحات مكررة لو عندك صفحتين أو أكتر عندهم نفس المحتوى، ممكن تعمل noindex لواحدة فيهم عشان جوجل متاخدهاش على إنها محتوى مكرر.
– صفحات تحت التطوير لو عندك صفحة لسة قايم بتعدل فيها، ممكن تعملها noindex لحد ما تخلصها.
– صفحات غير مهمة زي صفحة “شكرًا للاشتراك” بعد ما حد يعمل تسجيل في موقعك.
إزاي تعرف إن صفحة معينة معمول ليها noindex؟
جوجل بتبعتلك رسالة في كونسل بتقولك إن الصفحة دي معمول ليها noindex، وبتظهرلك تحت قسم Coverage في التقرير
إزاي تشيل الـ noindex من صفحة؟
لو لقيت صفحة معمول ليها noindexوحبيت تشيليه عشان تظهر في نتائج البحث، الخطوات كالتالي:
1. ادخلي على الكود بتاع الصفحة دي (عن طريق وردبريس).
2. ابحث عن التاج ده في الكود:
html
<meta name=”robots” content=”noindex”>
أو:
html
<meta name=”googlebot” content=”noindex”>
3. شيله من الكود أو عدله ليكون بالشكل دا
html
<meta name=”robots” content=”index”>
4. بعد ما تعدل الكود، خلي بالك إن التغييرات دي ممكن تأخد شوية وقت عشان جوجل يعملcrawl تاني للموقع ويشوف التعديلات.
نصائح مهمة علشان تستخدم الـ noindex صح
-اتأكد من الصفحات اللي معمول ليها noindex شوف لو كل الصفحات اللي معمول ليها noindex فعلاً مش محتاجينها تظهر في البحث.
اما لو لقيت صفحة مهمة معمول ليها noindex بالغلط، شيله.
– استخدم الـ noindex بحذر: متعملش noindex لصفحات مهمة عشان متخسرش زيارات منها.
– راجع كونسل باستمرار عشان تعرف لو فيه صفحات معمول ليها noindex بالغلط أو لو فيه مشاكل تانية في الموقع.
– استخدم رانك ماث أو يوستا لو موقعك ووردبريس، هتسهل الدنيا معاك.
طب إيه الفرق بين noindex و nofollow؟
noindex
بيخلي الصفحة مش بتظهر في نتائج البحث.
nofollow
– بيخلي جوجل متتبعش اللينكات الموجودة في الصفحة دي +مش بيمنع ظهور الصفحة في نتائج البحث.
إزاي تتأكد إن التعديلات اتعملت صح؟
بعد ما تشيل noindex من صفحة معينة
1. ادخل على كونسل وشوف لو الصفحة اتحسنت في تقرير Coverage.
2. استخدم URL Inspection Tool (موجودة في كونسل) عشان تتأكدي إن جوجل شاف الصفحة وعملها indexتاني.
إيه اللي يحصل لو صفحة معمول ليها noindex لفترة طويلة؟
جوجل يتجاهلها تمامًا، وحتى لو شيلت noindex بعد كدا، ممكن تأخد وقت عشان تظهر تاني في نتائج البحث. علشان كدا، دايماً راجع الصفحات اللي معمول ليها noindex و تأكد إنها مش مهمة.
اترك تعليقاً